Posted: 06/07/2012 07:32 PM IST

ఐదేళ్లలో  లక్ష కోట్లు సంపాదించిన వైఎస్ జగన్మోహన్ రెడ్డి  అరెస్టై జైల్లో ఉన్న విషయం తెలిసిందే. అయితే..ఇప్పుడు జగన్ జైలు బ్యాంకు బ్యాలెన్ 2900 మాత్రం ఉందని జైలు అధికారులు చెబుతున్నారు.  ఆస్తుల కేసులో అరెస్టై, రిమాండ్‌లో ఉండి, ప్రస్తుతం సీబీఐ కస్టడీలో విచారణ ఎదుర్కుంటున్న వైఎస్‌ జగన్‌ చంచల్‌ గుడా జైలులో సాదాసీదా జీవితం గడుపుతున్నారు. గత సంవ త్సరం తన ఆస్తుల విలువ రూ.356 కోట్లుగా ప్రకటించిన జగన్‌కు చంచల్‌ గుడా జైలులో ఖైదీలు దాచుకునే డబ్బు నిలువ ఇప్పటి వరకు అందిన సమాచారం ప్రకారం రూ.2,900 మాత్రమే. రిమాండ్‌ ఖైదీ నంబర్‌ 6,093గా ఉన్న జగన్‌ అరెస్టు అయిన తర్వాత ఆయన సతీమణి వైఎస్‌ భారతి ఈ నెల ఒకటిన రూ.4,000 ఖర్చుల కోసం జైలులో డిపాజిట్‌ చేశారు. గత ఐదు రోజులుగా జగన్‌ ఈ మొత్తంలో రూ.1,100 ఖర్చు చేసినట్టు జైలు అధికారులు తెలిపారు. ఇందులో ఎక్కువగా ఐస్‌క్రీంలు, బిస్కట్లు, కూల్‌ డ్రింకులు, పళ్ళు, మినరల్‌ వాటర్‌, సబ్బు, టూత్‌ పేస్టు వంటి వాటికే వెచ్చించారని జైలు అధికారులు తెలిపారు.

జైలు వర్గాలు అందించిన సమాచారం ప్రకారం జగన్‌ చాలా పరిమితమైన ఖర్చుకు అలవాటు పడ్డారు. ప్రత్యేక హోదా కలిగిన ఇతర ఖైదీలతో పోలిస్తే జగన్‌ చేస్తున్న ఖర్చు చాలా తక్కువ అని వారన్నారు. సాధారణ ఖైదీలైనా, అండర్‌ ట్రయల్స్‌యినా తమ అవసరాల కోసం ఖర్చు చేసుకునేందు కు జైలు అకౌంట్లు ఉంటాయి. ప్రత్యేక అయితే వారెవరికీ నాణాలు కానీ, నోట్లు కానీ అందుబాటులో ఉంచరు. ఐదు, పది, 20 రూపాయల టోకన్లు ఇస్తారు. జైలు క్యాంటీన్‌లో ఖైదీలు, ట్రయల్స్‌ వాటిని ఉపయోగించి తమకు కావలసిన వాటిని కొనుగోలు చేసుకోవచ్చు. జైలులో ఉన్న ఖైదీలు సిగరెట్‌ ప్యాకెట్లు, పొగాకు, బిస్కట్లు, కూల్‌ డ్రింకులు, ఐస్‌ క్రీంలు కొనుగోలు చేసుకోవచ్చు. సాయంత్రం వేళల్లో ఆలూ బజ్జీ, మిర్చి పకోడా లాంటివి సైతం లభిస్తాయి.

నిమ్మగడ్డ...రూ.3,060: జైలు వర్గాలు అందించిన సమాచారం ప్రకారం జైలులోనే ఉన్న వాన్‌పిక్‌ అధినేత నిమ్మగడ్డ ప్రసాద్‌ అకౌంట్‌లో రూ.3,060 ఉన్నాయి.ఐఏఎస్‌ అధికారి బీపీ ఆచార్య అకౌంట్‌లో రూ.1,200 ఉన్నాయి. మ రో పారిశ్రామికవేత్త కోనేరు ప్రసాద్‌ అకౌంట్‌లో రూ.2,500 ఉన్నాయి. మరో వ్యాపార వేత్త బి.శ్రీనివాసరెడ్డి అకౌంట్‌లో రూ.3,000 ఉండగా అధికారి వీడీ రాజగోపాల్‌ అకౌంట్‌లో రూ.2,009 ఉన్నాయి.వాన్‌పిక్‌ కుంభకోణంలోనే అరెస్టయిన మాజీ మంత్రి మోపిదేవి వెంకటరమణ అకౌంట్‌లో రూ.1,100 ఉన్నాయి.